Универзитет 'Св.Кирил и Методиј' во Скопје Факултет за музичка уметност - Скопје

Живојин Глишиќ

Редовен професор

Живојин Глишиќ

Група наставни предмети од областа на теоријата на музиката со композиција

email: zivoin_glishik@yahoo.com

Живојин Глишиќ е роден на 27.07.1954 год. во Скопје, Р.Македонија. Основното образование го завршил во Скопје во О.У.Ј.Х.Песталоци. На десет годишна возраст започнува да покажува интерес за музика. Како самоук на гитара, во дружењето со композиторот, аранжер и диригент Драган Ѓаконовски -Шпато, основоположник на популарната и џез музика во Македонија, покажува интерес за популарна и џез музика со посебен интерес према хармонските особености на џезот. По завршувањето на основното образование се запишува во Средното музичко училиште во Скопје во кое покрај теоретските дисциплини изучува труба и пијано. Во тоа време  ги создава и првите композиции со кои се појавува на фестивалите на популарна музика во Скопје и Опатија. Истовремено посветува поголемо внимание на изучувањето на џезот и јужно американската музика, а со започнувањето на средното образование соработува со повеќе естрадни ансамбли како гитарист, трубач  и аранжер. Во ова време ја започнува и соработката со Биг Бендот на РТС како гитарист.

По  завршувањето на средното образование  се запишува на Факултетот за музичка  уметност во Скопје на одделот за музичка теорија и педагогија. По консултациите со композиторот и професор Томислав Зографски решава да се запише и на одделот по композиција. Во тој период создава композиции кои покрај класичниот приод  вклучуваат и елементи на македонскиот фолклор и елементи на џезот. Студиите по композиција  во класата на професорот Зографски беа од големо значење за запознавањето на Глишиќ со класичните и современите композиторски вештини. Во ова време добива подршка од страна на професорот за својата ориентација кон џезот и фолклорот. Од тој период се издвојуваат “Пет минијатури за пијано”, Хорската композиција работена според народната песна “Марика мома убава”, ”Гудачки квартет’’, ”Кончертино за гитара и симфониски оркестар”, “Суита за вибрафон, електрична гитара и виолончело” и други композиции.

Глишиќ  ги завршува и двата оддели на ФМУ. Како дипломска работа на одделот по композиција ја пишува кантата “Самуил” на текст од Анте Поповски, - за машки хор и симфониски оркестар.

 

ОСНОВНИ ПОДАТОЦИ ЗА ДВИЖЕЊЕ ВО КАРИЕРАТА 

- Од 1979 година се вработува во Македонската Радио Телевизија како гитарист во народниот оркестар, а подоцна и како солист на гитара во Биг Бендот. Работата во овие два оркестри како и соработката со голем број музичари со различна стилска и жанровска ориентација му овозможува на Глишиќ да се профилира во аранжер на популарна, традиционална, детска, а особено џез музика, за што сведочат над 250 аранжмани и 21 награда за најдобар аранжман на фестивалите во државата и во странство. Најзабележителна  од наградите е наградата за најдобро обработена фолклорна тема на смотрате на Биг Бенд  оркестрите во Раденци, Република Словенија во категорија на Биг Бенд оркестри на бившите Ју- простори, за композицијата “Со маки сум се родила”. Автор е на повеќе композици за Биг Бенд и солисти од кои поголем број се ставени на носачи на звук и на кои авторот најчесто се појавува како солист на гитара. 

Во 1984 година примен е во Друштвото на композиторите на Македонија. Од  1986 започнува  неговата соработка со џез групата “Jazzbina” од Загреб  во која членува како гитарист, композитор и аранжер. Оваа соработка резултира со еден ЛП  и еден ЦД носачи на звук на кои се наоѓаат и две композиции на Глишиќ, - ”Разденување” специјално пишувана  за оваа ко-продукција и композицијата “Пасаж”. Со оваа група се реализирани повеќе настапи низ Европа и во бившите Ју- простори. 

По нарачка на Загребско Биенале, во 1987 година, Глишиќ  ја напишал композицијата “Одрон“ - зa флејта и удиралки. Композицијата ја изведоа  Ив Пјер Арто (Франција) на флејти и Игор Лешник (Р.Хрватска) на удиралки. 

Во 1989 беше прераспореден на работно место уредник – продуцент во Музичката продукција на МРТ, а истата година е избран за асистент на ФМУ Скопје, по предметите хармонија и полифонија. 

Во 1993  год. настана композицијата “На убавиот син Охрид” за симфониски оркестар според народната песна  со европски манири ”Билјана платно белеше”. 

Во 1993-94 год. го напиша Концертот за контрабас и камерен оркестар кој е изведен  во феврури 1994 во Шуберт салата во Виена. 

Во 1996 година избран е за доцент на Ф.М.У. 

Во 1999 год. МРТ Скопје организира авторски концерт на Живојин Глишиќ со Биг Бендот на МРТ на кој авторот настапи како солист на гитара . Во меѓувреме редовно се појауваше како автор на манифестацијата Денови на македонската музика. 

Во 2000-та година е избран во звање вонреден професор. 

Во 2003 година го  обработува за пијано народното оро „Пајдушко“ од кое настанала композицијата “Прелудиум и Пајдушка”, која најголемиот македонски пијанист Симон Трпчески ја изведе над 120 пати на најголемите светски сцени. Композицијата со виртуозен карактер донесе ново видување во третманот на фолклорот во спојот со џезот и класичниот приод што на овој 5/16 такт му даде нова димензија, широко прифатена од критиката и од публиката. Композицијата е снимена  за дискографската куќа ЕМИ КЛАСИК и за Дојче радио. 

Во 2005 година е избран за редовен професор по група предмети од областа на теоријата на музиката и копмпозиција. 

Истата година по нарачка на Ансамблот Танец ја напишал хорската композиција со духовен карактер “Псалм 109” на текст од Михаил Ренџов со која хорот на ТАНЕЦ настапи во Сплит, Р. Хрватска. Со овој хор е остварена уште една соработка со обработката на народната песна “Море сокол пие“ за мешан хор и како солист легндарниот поп пејач Тоше Проески. 

Во 2008 година како нарачка за отварање на ДММ ја обработи  народната песна  “Кажи, кажи либе Стано” - за симфониски оркестар, баритон и сопран. Истата година, по нарачка на перкусионистот Мартин Вучиќ, за група која ја сочинуваат 4 перкусионисти, клавијатури, хармоника бас гитара и изведувач на кавал, гајда и тамбура , Глишиќ ги обработи  ората кои беа во репертоарот на гајдаџијата Пеце Атанасовски и направи 9 композиции и тоа; „Беше еднаш една лиса“,„Самба де калајџи„,преработка на „Прелудиум и пајдушка„,  „Рум ,дум техно дум„, „Зајдисонце во Топаана„, „Комитска приказна„ , „Пиринска суита„, „Jana,s day,Jana,s dance,„ и „Чучук денс„. Проектот насловен “ Звуците од Македонија”, премиерно го изведе ансамблот ”PER-EX”  на меѓународниот фестивал “Охридско лето” 2008 год.

 

Творештво (селективен избор)

-Самуил – кантата за машки хор и симфониски оркестар на текст од Анте Поповски .

-Концерт за контрабас и камерен оркестар.

-Кончертино за електрична гитара и симфониски  оркестар.

-На убавиот син Охрид - композиција за симфониски оркестар

-Кажи, кажи либе Стано - за сопран ,баритон и симфониски оркестар.

-Карпошко оро за соло тромбон и голем  дувачки оркестар.

-Гудачки квартет

-Одрон - композиција за флејти и удиралки.

-Суита за вибрафон, виолончело и електрична гитара.

-Чучук  денс, Самба  де калајџи, Зајдисонце во Топаана, Беше  еднаш една лиса, Комитска приказна, Прелудиум и Пајдушка, Рум, дум, техно дум, Пиринска суита - за ударни инструменти, клавијатури и хармоника, бас гитара, кавал, гајда и тамбура.

-Прелудиум и Пајдушка-композиција  за пијано.

-Пет минијатури за пијано.

-Марика мома убава за мешан хор.

-Псалм  109 - композиција  за мешан хор.

-Море сокол пие  –за тенор и мешан хор.

-Ајде Милке да бегаме - за детски хор.

-Музика за ТВ серија.

 

Огласна табла

Известување за предавање

30/05/2018

Документ: alumni_predavadanje_UKIM-2018.pdf
Во прилог Покана/известување за предавање кое ќе се одржи на 4 Јуни 2018 година, со почеток во 11 часот, во свечената сала во Ректоратот.
 

На 4 јуни 2018 (понеделник), м-р Томислав Чокревски, докторант на Институтот за право, технологија и општество при Универзитетот во Тилбург (Холандија) ќе одржи предавање под наслов:

 

 

Пребришани умови, испрани мозоци

 

Манипулација, индоктринација,  лажни вести и современ популизам: правото на слободна мисла во

невро-технолошката, пост-фактичка ера

 

 

Предавањето ќе се одржи во свечената сала на Ректоратот на УКИМ, со почеток во 11:00 часот. Чест ни е да ве поканиме да присуствувате на настанот со кој започнува претставувањето на алумните на УКИМ пред академската заедница.

Со овој настан започнува претставувањето на алумните на УКИМ пред академската заедница.
 
 
 
Ректорат
 
<< Затвори

Промоција на прирачник на ФМУ - Скопје

17/05/2018

Во соработка со Факултетот за Музичка Уметност – УКИМ, катедрата за балетска педагогија-современ танц и вонр.проф. д-р. Искра Шукарова, Центарот за Даунов Синдром организира промоција на прирачникот кој е подготвен како дел од проектот И јас сакам да бидам балерина, поддржан од ЕУ и УНИЦЕФ. Оваа соработка е исто дел од проектот Номад то Номад на НВО- Номад Танц Академија Македонија.

Промоцијата ќе се одржи во концертната сала на ФМУ на 17. 05. 2018 во 15 часот.

<< Затвори

Одржана традиционалната манифестација „Отворен ден, запознајте го УКИМ“

07/05/2018

Традиционалната манифестација „Отворен ден, запознајте го УКИМ“ се одржa во саботата, 5.5.2018 година, на Кампусот на техничките факултети (МФС, ФЕИТ, ФИНКИ, ТМФ) каде беа сместени штандовите на факултетите.

Манифестација беше  наменета за средношколците од сите училишта во Република Македонија, но и за оние кои сакаат да дознаат нешто повеќе за програмите на сите циклуси на УКИМ.

Посетителите имаа можност непосредно во разговор со наставниот кадар и студентите да се запознаат со дејноста на најстарата високообразовна институција во државата, нејзината долга традиција, мисија и визија.

Се свој штанд се претстави и Факултетот за музичка уметност – Скопје, а нашите студенти, се погрижија за реализација на забавниот дел од овој настан.

<< Затвори

Редослед за главната аудиција за солисти со оркестарот на Македонската филхармонија

04/05/2018

Редослед за главната аудиција

за солисти со оркестарот на Македонската филхармонија

 

10:00 ч.

 

  1. Ангел Спировски (оркестарско диригирање)
  • Џ. Росини: Увертита „Севилски берберин“

 

10:10 ч.

 

  1. Ивана Јанаќиева (пијано)
  • М.Равел: Концерт за пијано и оркестар G-dur, I став

 

  1. Зоран Станишиќ (пијано)
  • С.Рахмањинов: Концерт за пијано и оркестар бр.1 оп.1,  I став

 

  1. Тоше Темелков (пијано)
  • С.Рахмањинов: Концерт за пијано и оркестар бр.2 оп.18, I став

 

  1. Артемида Ќари (пијано)
  • Д.Шостакович: Концерт за пијано и оркестар бр.2 оп.102 F-dur, I став

 

10:50 ч.

 

  1. Никола Мицевски (кларинет)
  • К. Росе-На тема од К. М. Вебер: Фантазија и рондо

 

  1. Ѓорѓи Димитров и Бојан Лушкоски (дуо кларинети)
  • Ф. Крамер: Концерт за два кларинета

 

  1. Стефан Неделковски (саксофон)
  • Д. Мијо: Скарамуш

 

  1. Филип Каревски (фагот)
  • Ф. Данци: Концерт за фагот Еф-дур

 

  1. Благоја Василевски (хорна)
  • Р. Штраус: Концерт Бр. 1, I став  

 

  1. Антонио Весковски (удирачки инструменти)
  • Н. Рoсауро: Концерт за маримба, I став

 

 

 

11:45 ч.

 

  1. Александра Чуруковска (контрабас)
  • С. Кусевицки: Концерт за контрабас и оркестар, I став  

 

  1. Илза Бафтиари (виола)
  • Ц. Форсајт: Концерт за виола и оркестар, I став

 

  1. Eни Вучидолова (виолина)
  • А. Дворжак: Концерт за виолина и оркестар, I став

 

 

 

Декан

проф. м-р Зоран Пехчевски

<< Затвори

ОТВОРЕН ДЕН НА УКИМ

02/05/2018

Отворен ден на УКИМ на 5.5.2018 година од 10 до 17 часот на Кампусот на техничките факултети (МФС, ФЕИТ, ФИНКИ, ТМФ). ПОВЕЛЕТЕ!!!

<< Затвори

Одржана промоција на каталогот за мелограмите од легатот на истакнатиот македонски фолклорист Васил Хаџиманов

23/04/2018

На 18.4.2018 година, на Факултетот за музичка уметност во Скопје, во присуство на министерот за култура, г-дин Алаѓозовски, пратеници од Собранието на РМ, претставници на МАНУ, други институции и стручната јавност,  беше промовиран каталогот на дигитализираните мелограми од легатот на истакнатиот македонски фолклорист Васил Хаџиманов, кој го изработија студентите на програмата од вториот циклус студии за музички науки при ФМУ-Скопје, Николче Витковски и Цветанчо Николоски, под менторство на проф. д-р Димитрије Бужаровски.

На свеченоста, каталогот им беше предаден на претставниците на Македонската академија на науките и уметностите, каде се наоѓа овој легат. Во овој каталог се попишани 10.166 мелограми, кои се дел од обемниот легат на Васил Хаџиманов што се наоѓа во архивот на МАНУ. Со попишувањето на мелограмите се прави уште еден важен исчекор во содржината на легатот и брзото и лесно пребарување, посебно имајќи ја предвид неговата обемност.

Овој настан, исто како и попишувањето на комплетната содржина на легатот е од посебно значење за заштитата на македонското духовно културно наследство, е дел од посветената работа на  „Архивот Бужаровски“ (BuzAr), каде што каталогот ќе биде примарно депониран.

Поводот за попишувањето на мелограмите произлезе од работата врз колекцијата на носачи на звук (ленти и касети) од истакнатиот македонски фолклорист Кирил Пенушлиски, која е дигитализирана во „Архивот Бужаровски“ од вонр. проф. д-р Трена Јорданоска во 2008 година. При тоа, во метаподатоците кои ги придружуваа лентите било назначено дека дел од нив се мелографирани од Васил Хаџиманов. По завршувањето на оваа каталогизација беа скенирани 787 мелограми од кои 610 мелограми се поврзани со Колекцијата Пенушлиски.

На овој настан беше одбележана 25-годишнината од првите две дигитални снимки на хард-диск од творештвото на Димитрије Бужаровски, кои се првите дигитални снимки на хард-диск не само во Македонија, туку и на Балканот.

„БузАр“ е најголемиот дигитален архив на звучно културно наследство во Република Македонија и пошироко на Балканот. Во него се наоѓаат дигитализирани и во најголема мерка каталогизирани 2 терабајти со аудио, видео, фотографии, книги, есеи и публицистички текстови, МИДИ, партитури, мелограми, бази на податоци – поврзани со македонското и балканското културно наследство.

Меѓу нив посебно се издвојуваат 14 обемни колекции со музички и говорен фолклорен материјал (Фирфов, Видоески, Пенушлиски, Брзанов, Линин, Бадев, над 1500 детски песни и игри снимени во видео формат од Македонија, Косово и Јужна Србија), но и сопствената продукција на 20 документарни филмови и целокупни концерти (Ѓорѓи Доневски, Бапчорки, Костурчанки, Калистрат Зографски, портрети на Александра Џамбазов, Љубомир Бранџолица, Јордан Цаневски, Зоран Димитровски, Иван Кочаров, Евушка Трпкова-Елезовиќ, Снежана Анастасова Чадиковска, Јени Јол, Ендејдик итн.), 6 музички спотови, над 190 кратки видеа од хрониките на ИРАМ и „БузАр“ и над 110 аудио снимки од концерти.

 

<< Затвори

Одбрана на теорискиот дел од докторска дисертација на кандидатката - м-р ЕЛЕНА АТАНАСОВСКА - ИВАНОВСКА

05/04/2018

С О О П Ш Т Е Н И Е

 

На 16.4.2018 (понеделник), со почеток во 14:00 часот, во Малата сала на Факултетот за музичка уметност - Скопје ќе се одржи одбрана на теорискиот дел од докторска дисертација на кандидатката м-р Елена Атанасовска-Ивановска.

 

Одбраната на теорискиот труд ќе се изврши пред комисија во состав:                 

Проф. м-р Борис Романов

Проф. д-р Ганка Цветанова

Проф. д-р Викторија Коларовска Гмирја

Проф. д-р Марија Ѓошевска

Проф. д-р Ана Гацева

<< Затвори

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори