Универзитет 'Св.Кирил и Методиј' во Скопје Факултет за музичка уметност - Скопје

м-р Саша Николовски

Редовен професор

м-р Саша Николовски

група предмети од областа на диригирањето

Саша Николовски - Ѓумар e роден во Битола, Македонија. По завршувењето на основното и средното образование во Скопје се запишува на Факултетот за музичка уметност и на истиот дипломира на одделот за музичка теорија и педагогија во 1991 година и на одделот за диригирање во 1993 година, во класата на професор Фимчо Муратовски.

Во 1991 година добитник е на наградата - Франк Манинг - за најдобар студент на Универзитетот - Св. Кирил и Методиј.

Уште како студент активно е вклучен во музичкиот живот во Македонија како уметнички раководител на академскиот хор - Мирче Ацев - уметнички директор и шеф диригент на Камерниот оркестар на МММ, а веднаш по дипломирањето основач и диригент на Интернационалниот оркестар за современа музика - Синтезис - , уметнички директор и диригент на ансамблот за современа музика Св. Софија и македонскиот камерен оркестар.

Во меѓувреме редовно настапува со Македонската Филхармонија, Македонската Опера и Балет, со хорот и симфонискиот оркестар на ФМУ- Скопје, на нашите најреномирани музички фестивали и манифестации: Охридско Лето, Скопско Лето, Штипско Лето, Хераклејски Вечери, Есенски музички свечености, Денови на македонската музика, Мајските Оперски вечери, ТЕХО и други.

Во 1996 година специјализирал на Конзерваториумот -Николај Римски Корсаков - во Санкт Петерсбург во Русија кај престижните професори Илја Мусин и Михаил Кукушкин, редовно соработувајќи со светски реномираните диригенти Јуриј Темирканов и Валериј Гергиев. Во 1999 година ги завршува постдипломските студии на Музичката Академија - Панчо Владигеров - во Софија, Р.Бугарија, кај професорите В. Казанџиев и Б.Хинчев.

Остварил бројни гостувања во СРЦГ, Бугарија, поранешна Југославија, Русија, Франција, Романија, Унгарија, Австрија.

Маестро Саша Николовски - Ѓумар е добитник на повеќе награди и признанија, меѓу кои и наградата - Георги Божиков - во 2001 година, која ја доделува СОКОМ за најуспешна изведба во рамките на манифестацијата ДММ.

Последните четири години дејствува како претседател на Здружението на диригенти на Македонија.

Во моментов е редовен професор на Факултетот за музичка уметност во Скопје, по предметите Симфониско-оперско диригирање, хорско диригирање, оркестар, хор и оперско студио.

Огласна табла

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори