Универзитет „Св. Кирил и Методиј“ во Скопје Факултет за музичка уметност - Скопје

Учество на доц. м-р Дино Имери во стручно жири на меѓународен натпревар во Бугарија

Објавено на: 26 февруари 2019

На покана на еден од најдобрите бугарски композитори, пијанисти и педагози проф. Виктор Чучков, нашиот реномиран пијанист и педагог доц. м-р Дино Имери ќе биде дел од стручното жири на меѓународниот натпревар „Надежи, Таленти, Мајстори“ кој ќе се оддржи во Добрич, Р. Бугарија од 9-13.09.2019.

Натпреварот кој за прв пат се одржал во 1996, а од тогаш се одржува секоја година, ги содржи категориите пијано, пијано-дуо, камерна музика, гитара, виолина и виола.

Учеството на Имери веќе се најавува во бугарските медиуми, а интересот е огромен особено поради повеќето спектакуларни настапи кои пијанистот ги одржал изминативе години во Софија. Имено, во најава е нов настап на Имери со солистички рецитал кој ќе содржи дела од македонското творештво во циклусот „Музиката на Европа – Македонија“ во организација на Софиската Филхармонија веќе на 15.04.2019.

Во пресрет на сите овие настани, нашиот млад пијанист и педагог неодамна се стекна и со наградата „Златна Бубамара“ за „Маестро на годината“ што секако претставува и промоција на класичната музика и вистинските уметнички вредности на една од најпознатите и најгледани манифестации во земјата.

Ве покануваме да погледнете повеќе информации на следниве линкови:

- https://www.dobrichonline.com/novini/51360/virtuozen-pianist-ot-makedoniya-shche-e-chast-ot-zhurito-v-tazgodishnoto-izdanie-na-konkursa-nadezhdi-talanti-maystori?fbclid=IwAR0hKKbrhVQ5O1G-99IIvXp3u67O-6CylVWOteK9CAJVmaQ1pLh7frbQrkk

- https://www.facebook.com/HopesTalents-Masters-Dobrich

- https://www.youtube.com/watch?v=l4F53cAaD-w

- https://www.youtube.com/watch?v=l6DW_xu96oY