Последни објавени новости на ФМУ.

Објавено на: 29 јануари 2015

Заверка на зимскиот и запишување на летниот семестар 2014/2015

СЕ ИЗВЕСТУВААТ СТУДЕНТИТЕ ДЕКА ЗАВЕРКАТА НА ЗИМСКИОТ И ЗАПИШУВАЊЕТО НА ЛЕТНИОТ СЕМЕСТАР ЌЕ СЕ ВРШИ ВО ПЕРИОДОТ ОД  2.2. ДО 6.2.2015

Потребни документи:

• Индекс (со оценки од сите положени испити од последната сесија);
• Образец за заверка на семестар, со уплата за административна такса;
• Образец за запишување на семестар, со уплата за административна такса;
• Потврда за уплатена II рата школарина;
• Потврда за уплатени 1200 денари за амортизација на основни средства;
• Уплата за презапишување на неположени предмети од летниот семестар учебна 2013/2014, во висина од 406,00 денари за еден кредит.

Напомена:

Студентите од I, II и III година имаат обврска да ги запишат предметите и професорите кај кои ќе следат настава во летниот семестар и во електронскиот систем IKNOW.

Рокот за внесување на овие податоци во електронскиот систем е до 8.2.2015 година.

Пример за уплата на амoртизација

Пример за уплата на школарина и презапишување на предмети

Објавено на: 29 јануари 2015

Предавање на Кери Смолмен (Велика Британија)

Во соработка со Филозофското друштво на Македонија и Амбасадата на Велика Британија во Република Македонија, во рамките на „Месецот на британската филозофија“, на 3 февруари 2015 година со почеток во 15:00 часот, во малата сала на Факултетот за музичка уметност-Скопје предавање ќе одржи гостинката од Оксфорд, Кери Смолмен. Предавањето е насловено:

Трансатлантски дијалози: Британија, Америка и изворите на попот

Објавено на: 02 јануари 2015

ИСПИТНА СЕСИЈА ЈАНУАРИ 2015

Распоред на испитите во зимската испитна сесија - Јануари 2015 година.

Објавено на: 11 декември 2014

Промоција на списанието „ARS ACADEMICA"

На 6.12.2014 година, во фоајето на Македонската опера и балет се одржа промоција на првото меѓународно научно списание „ARS ACADEMICA“, кое е издадено од Факултетот за музичка уметност - Скопје и Факултетот за драмски уметности - Скопје. 

Објавено на: 11 декември 2014

Промоција и доделување на Дипломи на студентите од прв и втор циклус студии

На 6.12.2014 година, во Концертната сала на Факултетот за музичка уметност - Скопје, се одржа промоција и свечено доделување на Дипломите на студентите кои во учебната 2013/2014 година го завршија своето студирање на првиот или вториот циклус студии на Факултетот за музичка уметност - Скопје. 

Објавено на: 08 декември 2014

Средба со композиторот проф. Живоин Глишиќ

На 10.12.2014 година (среда), со почеток во 13:00 часот во малата сала на ФМУ-Скопје ќе се одржи средба со композиторот проф. Живоин Глишиќ, на која тој ќе говори за својот уметнички и творечки развој, ќе ги изнесе своите ставови во поглед на различни аспекти на музичката уметност и во непосредна комуникација со студентите ќе ги сподели богатите искуства од неговото досегашно делување.

Објавено на: 04 ноември 2014

Аплицирајте за Yamaha стипендија!

Yamaha објави апликација за стипендија за студенти од музичките факултети.

Стипендиите се во висина од 1000 и 2000 евра.

Годинава стипендиите се однесуваат на студентите на дувачки инструменти.

Апликацијата на македонски јазик може да ја превземете од следниов линк:

http://europe.yamaha.com/en/music_education/ymfe/

Објавено на: 28 октомври 2014

Семинар по флејта со проф. Дејан Гавриќ (Германија)

Од 27-ми до 30-ти октомври 2014, на Факултетот за музичка уметност -Скопје ќе се одржат неколку мајсторски курсеви со еминентниот германски, но и светски флејтист и професор - Дејан Гавриќ.
Проф. Гавриќ е редовен професор на Факултетот за музичка уметност во Мајнц, Германија и одржува голем број мајсторски курсеви ширум светот.
Проф. Гавриќ за прв пат доаѓа на Факултетот за музичка уметност – Скопје и неговите мајсторски курсеви, без сомнение, ќе бидат од огромна корист за сите млади флејтисти.

Предавањата се наменети за студентите од Факултетот, но и за сите заинтересирани кои би сакале да ги надградат своите сознанија за техниките на изведба на флејта, како и за пошироките аспекти на музичката уметност и интерпретација.

Објавено на: 16 октомври 2014

"АPOLLONIA JAZZ WORKSHOP" - 18 и 19 октомври

На 18-ти и 19-ти октомври во малата сала на Факултетот за музичка уметност-Скопје ќе се одржи „Аполонија џез работилница“ со познатиот џез музичар Марк Момас (Marc Mommaas) од "The New York Jazz Workshop".

Влезот и учеството на работилницата се слободни.

Објавено на: 02 октомври 2014

Семинар по труба со Виценте Кампос

Во периодот од први до четврти октомври на ФМУ-Скопје се одржува семинар по труба со реномираниот шпански трубач Виценте Кампос (Vicente Campos).