Ss. Cyril and Methodius University in Skopje Faculty of music - Skopje

Симфониски оркестар на ФМУ

Симфониски оркестар на ФМУ

Симфонискиот оркестар на ФМУ - Скопје го сочинуваат студенти на додипломски и последипломски студии и како таков,  низ своето досегашно постоење тој бележи постојан квалитативен растеж. Во низата проекти на овој ансамбл се премиерите на капиталните дела од светскиот симфониски репертоар („Посветување на пролетта“ и “Петрушка“ од Стравински, „Сликарот Матијас’’ од Хиндемит, „Планетите’’ од Холст, Шеста симфонија од Шостакович и  многу други), но и од редица современи македонски композитори како Бужаровски, Зографски, Манчев, Прошев и  други.  

Оркестарот неколкупати ја сочинуваше основата на Интернационалниот симфониски оркестар на ФМУ, а со него диригирале уметниците Михаел Луиг, Тим Чашел и Патрик Штруб од Германија, Вилијам Ребер од САД, како и Александар Ведерников, шеф-диригент на Бољшој Театарот од Русија. Значаен проект е заедничкиот настап со МФ на фестивалот “Охридско лето’’ 2001 год. под диригентска палка на Леонид Николаев (Русија) со делата “Скитска суита’’ од Прокофјев и “Поема екстаза’’ од Скрјабин. На “Охридско лето’’ 2002 год. оркестарот за прв пат имаше самостоен концерт под диригенство на Станко Шепиќ (СРЈ). 

Четириесетгодишниот јубилеј на ФМУ во 2006 год. е одбележан со извонредниот настап на оркестарот и маестро Симон Трпчески, под диригенство на Саша Николовски-Ѓумар со делата Симфонија бр.8 од Дворжак, Концерт за пијано од Сен Санс и “Ламентозо’’ од Прошев. Симфонискиот оркестар заедно со хорот “Драган Шуплевски’’ и солистите на ФМУ-Скопје, секоја година се дел од уметничката програма за свеченостите по повод 24 Мај - Денот на Универзитетот  “Св. Кирил и Методиј’’ - Скопје.


Огласна табла

Одбрана на теорискиот дел од докторска дисертација на кандидатката - м-р ЕЛЕНА АТАНАСОВСКА - ИВАНОВСКА

05/04/2018

С О О П Ш Т Е Н И Е

 

На 16.4.2018 (понеделник), со почеток во 14:00 часот, во Малата сала на Факултетот за музичка уметност - Скопје ќе се одржи одбрана на теорискиот дел од докторска дисертација на кандидатката м-р Елена Атанасовска-Ивановска.

 

Одбраната на теорискиот труд ќе се изврши пред комисија во состав:                 

Проф. м-р Борис Романов

Проф. д-р Ганка Цветанова

Проф. д-р Викторија Коларовска Гмирја

Проф. д-р Марија Ѓошевска

Проф. д-р Ана Гацева

<< Затвори

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори