Последни објавени новости на ФМУ.

Објавено на: 13 септември 2021

Рокови и упатства за пријавување на кандидати за упис на прв циклус студии (додипломски студии) на Факултетот за музичка уметност - Скопје, во вториот уписен рок, во учебната 2021/2022 година

 РОКОВИ ЗА ПРИЈАВУВАЊЕ НА КАНДИДАТИ ВО ВТОРИОТ УПИСЕН РОК, ЗА УПИС НА ПРВ ЦИКЛУС СТУДИИ (ДОДИПЛОМСКИ СТУДИИ)

НА ФАКУЛТЕТОТ ЗА МУЗИЧКА УМЕТНОСТ - СКОПЈЕ,

ВО УЧЕБНАТА 2021/2022 ГОДИНА

• Пријавување на кандидати во вториот уписен рок - 14 и 15.9.2021 година

• Проверка на знаења и умеења (приемни испити) - од 17.9.2021 до 23.9.2021 година

          *Распоредот за приемните испити дополнително ќе биде објавен на веб страната на факултетот

• Објавување прелиминарна ранг-листа  - 23.9.2021 година

• Објавување решение за прием на кандидатите (конечна ранг-листа) - 24.9.2021 година

• Запишување на примените кандидати и доставување на документацијата - 27.9.2021 година

Пријавувањето на кандидатите се врши електронски со регистрирање во системот за електронско спроведување на уписи на Универзитетот „Св. Кирил и Методиј“ во Скопје, на веб страната www.upisi.ukim.mk и со испраќање на електронска пошта на следниов e-mail: upisi-fmu@ukim.edu.mk

Во предмет (Subject) на електронската пошта, кандидатите го наведуваат бројот што автоматски им го генерирал системот за електронско пријавување.

Во прилог на приjавата, треба да се прикачат (во Attach File) скенирани следниве документи:

• пријава за запишување (образец А1, се купува во книжарници)
• електронска пријава(испечатена од iKnow-системот)
• оригинални свидетелства од сите класови (и двете страници)
• документ за положена државна матура (оригинално свидетелство за завршено средно образование)
• извод од матична книга на родените
• доказ за државјанство на РСМ (уверение или решение)
• изјава за национална припадност (по потреба)
• потврда за уплатa:

- Административната такса во износ од 50,00 денари (Образец ПП 50:Назив на примачот:Трезорска сметка Скопје; Банка на примачот: НБРСМ; Трансакциска сметка 100-0000000-630-95; Уплатна сметка 840-ХХХ03161;Конто 722313 00) и

- 500 денари за студиски програми за кои се врши проверка на знаењата и умеењата по еден предмет или 1000 денари за студиски програми за кои се врши проверка на знаењата и умеењата по повеќе предмети, на жиро-сметката на факултетот (Образец ПП 50: Назив на примачот: Буџет на РСМ, УКИМ- Факултет за музичка уметност-Скопје; Банка на примачот: НБРСМ; Трансакциска сметка 100-0000000-630-95; Сметка на буџетски корисник - единка корисник: 1600104332 788 16 Приходна шифра и програма 723013 41)   

Важна напомена: За приемните испити по инструмент, вклучително пијано за МТП, композиција и диригирање, кандидатите треба да го снимат материјалот за испит, да креираат сопствен YouTube канал на кој ќе ги прикачат снимените материјалии да направат word документ со список со линкови од видео снимките кој ќе го испратат заедно со комплетната скенирана документација на e-mail: upisi-fmu@ukim.edu.mk  (целосното упатство е дадено во прилог), најдоцна до 15.9.2021, до 15 часот.

 Во прилог на ова соопштение може да погледнете:

 - Конкурс за запишување студенти на прв циклус студии на студиските програми на Универзитетот „Св. Кирил и Методиј“ во Скопје во учебната 2021/2022 година;

- Испитни барања и програми за проверка на знаењата и умеењата (приемни испити);

 - Упатство за електронско полагање на приемните испити по инструмент и соло пеење, преку аудио-видео записи;

 - Жиро сметка за уплата на приемни испити;

- Број на слободни места за втор уписен рок.

Објавено на: 08 септември 2021

Честит јубилеј – 30 години независност на РС Македонија

Факултетот за музичка уметност – Скопје на вработените и студентите им го честита значајниот јубилеј – 30 години независност на РС Македонија. Нашата институција во овие децении, но и во целиот период на своето постоење, континуирано придонесува за напредокот на музичката култура и образование во државава со што сите ние со право се гордееме. Ви пожелуваме добро здравје и натамошна успешна работа со која се зацврстуваат и промовираат трајните вредности на музичката уметност, наука и образование.

Објавено на: 09 август 2021

Пријавување на испити во есенската испитна сесија, 2020/2021 година

Објавено на: 09 август 2021

Пријавување на испити за есенската испитна сесија - 2020/2021 година

Објавено на: 14 јуни 2021

Конкурс за доделување стипендии за подршка на студенти од социјално загрозени семејства и ранливи категории

Почитувани студенти,

 Ве известуваме дека  е отворен Конкурс на Фондацијата Леорон за доделување стипендии за подршка на студенти од социјално загрозени семејства и ранливи категории.

Конкурсот е отворен до 30.6.2021 година, а повеќе информации може да погледнете во прилог.

Објавено на: 09 јуни 2021

Рокови и упатства за пријавување на кандидати за упис на прв циклус студии(додипломски студии) на Факултетот за музичка уметност - Скопје, во првиот уписен рок, во учебната 2021/2022 година

РОКОВИ И УПАТСТВА ЗА ПРИЈАВУВАЊЕ НА КАНДИДАТИ ЗА УПИС НА ПРВ ЦИКЛУС СТУДИИ (ДОДИПЛОМСКИ СТУДИИ)

НА ФАКУЛТЕТОТ ЗА МУЗИЧКА УМЕТНОСТ - СКОПЈЕ, ВО ПРВИОТ УПИСЕН РОК,

ВО УЧЕБНАТА 2021/2022 ГОДИНА

• ПРИЈАВУВАЊЕТО НА КАНДИДАТИТЕ ВО ПРВИОТ УПИСЕН РОК ЌЕ СЕ ВРШИ НА 26-ти и 27-ми АВГУСТ 2021 ГОДИНА

• ПОЛАГАЊЕТО НА ПРИЕМНИТЕ ИСПИТИ ЌЕ СЕ ВРШИ ВО ПЕРИОДОТ ОД 30-ти АВГУСТ ДО 6-ти СЕПТЕМВРИ 2021 (РАСПОРЕДОТ ЗА ПОЛАГАЊЕ НА ПРИЕМНИ ИСПИТИ Е ОБЈАВЕН ВО ПРИЛОГ)

• РЕШЕНИЕТО ЗА ПРИЕМ НА КАНДИДАТИТЕ ЌЕ БИДЕ ОБЈАВЕНО НА 9-ти СЕПТЕМВРИ 2021 ГОДИНА

• ЗАПИШУВАЊЕТО НА ПРИМЕНИТЕ КАНДИДАТИ ЌЕ СЕ ВРШИ НА 10-ти и 13-ти СЕПТЕМВРИ 2021 ГОДИНА

Пријавувањето на кандидатите се врши електронски со регистрирање во системот за електронско спроведување на уписи на Универзитетот „Св. Кирил и Методиј“ во Скопје, на веб страната www.upisi.ukim.mk и со испраќање на електронска пошта на следниов e-mail: upisi-fmu@ukim.edu.mk

Во предмет (Subject) на електронската пошта, кандидатите го наведуваат бројот што автоматски им го генерирал системот за електронско пријавување.

Во прилог на приjавата, треба да се прикачат (во Attach File) скенирани следниве документи:

1. пријава за запишување (Образец А1, се купува во книжарници)
2. електронска пријава (испечатена од iKnow-системот)
3. оригинални свидетелства од сите класови
4. документ за положена државна матура (оригинално свидетелство за завршено средно образование)
5. извод од матична книга на родените
6. доказ за државјанство на РСМ (уверение или решение)
7. изјава за национална припадност (по потреба)
8. потврда за уплатa: 

   - Административната такса во износ од 50,00 денари (Образец ПП 50: Назив на примачот:Трезорска сметка Скопје; Банка на примачот: НБРСМ; Трансакциска сметка 100-0000000-630-95; Уплатна сметка 840-ХХХ03161;Конто 722313 00)

   - 500 денари за студиски програми за кои се врши проверка на знаењата и умеењата по еден предмет или 1000 денари за студиски програми за кои се врши проверка на знаењата и умеењата по повеќе предмети, на жиро-сметката на факултетот (Образец ПП 50: Назив на примачот: Буџет на РСМ, УКИМ- Факултет за музичка уметност-Скопје; Банка на примачот: НБРСМ; Трансакциска сметка 100-0000000-630-95; Сметка на буџетски корисник - единка корисник: 1600104332 788 16 Приходна шифра и програма 723013 41) 

   Важна напомена: За приемните испити по инструмент, вклучително пијано за МТП, композиција и диригирање, кандидатите треба да го снимат материјалот за испит, да креираат сопствен YouTube канал на кој ќе ги прикачат снимените материјали и да направат word документ со список со линкови од видео снимките кој ќе го испратат заедно со комплетната скенирана документација на e-mail: upisi-fmu@ukim.edu.mk  (целосното упатство е дадено во прилог).

    Кандидатите ќе добијат автоматска потврда дека електронската пошта е примена и дека пријавата е уредно поднесена.

    Роковите за физичко доставување на наведените документи за пријавување, дополнително ќе бидат објавени.

   Во прилог на ова соопштение може да погледнете:

- Конкурс за запишување студенти на прв циклус студии на студиските програми на Универзитетот „Св. Кирил и Методиј“ во Скопје во учебната 2021/2022 година;

- Испитни барања и програми за проверка на знаењата и умеењата (приемни испити);

- Упатство за електронско полагање на приемните испити по инструмент и соло пеење, преку аудио-видео записи;

 - Распоред за полагање на приемните испити;

 - Жиро сметка за уплата на приемни испити.

Објавено на: 08 јуни 2021

Студентите на ФМУ – Скопје ќе настапат на концертот со НУ Филхармонија на РС Македонија „Звукот на идната генерација“ на 10 јуни (четврток) во 20 часот

Студентите на ФМУ – Скопје ќе настапат на традиционалниот концерт со НУ Филхармонија на РС Македонија „Звукот на идната генерација“ на кој се претставуваат студентите од државните факултети за музичка уметност. На концертот учествуваат Ана Спасовска (III година оркестарско диригирање, класа: проф. м-р Борјан Цанев), Кристијан Кожумановски (IV година контрабас, класа: м-р Александар Поп Христов), Пандорка Јанакиева (IV година флејта, класа: проф. м-р Страшо Темков), Дарко Гроздановски (III година виолина, класа: проф. м-р Олег Кондратенко), Анастасија Гичевска (III година пијано, класа: проф. д-р Марија Ѓошевска), Зорица Здравковиќ (IV година удирачки инструменти, класа: проф. м-р Мојца Седеу) и Памела Велкова (III година виолина, класа: проф. м-р Олег Кондратенко).

Концертот ќе се одржи на 10 јуни (четврток) во 20 часот под диригентска палка на проф. м-р Борјан Цанев. На програмата се дела од Моцарт, Ботезини, Шосон, Сен-Санс, Розауро и Равел.

Објавено на: 31 мај 2021

Концерт на Хорот „Драган Шуплевски“ и Камерниот оркестар „Солисти на ФМУ“ на 1 јуни 2021 година (вторник)

Студентските ансамбли на ФМУ – Скопје по долга пауза се враќаат на концертен подиум.

Хорот „Драган Шуплевски“ и Камерниот оркестар „Солисти на ФМУ“ ќе одржат целовечерен концерт на 1 јуни 2021 година (вторник) во Фоајето на НОБ. Со ансамблите ќе диригира Магдалена Кочоска, студент на IV година по оркестарско диригирање во класата на проф. м-р Сашо Татарчевски.

Почетокот е во 20 часот. Влезот е слободен, но со ограничен број на посетители. За резервација на места ве молиме јавете се на телефонскиот број 071 912 555 или на мејлот fmu@fmu.ukim.edu.mk

Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. Задолжително е носење на заштитна маска.

Ве молиме, почитувајте ги мерките за заштита.

Објавено на: 26 мај 2021

Одбележување на 24 Мај – Патрониот ден на Универзитетот „Св. Кирил и Методиј“ во Скопје и 72-годишнината од неговото основање

Почитувани,

На 26 мај (среда) 2021 година, во чест на 24 Мај – Денот на светите Кирил и Методиј и патрониот ден на Универзитетот „Св. Кирил и Методиј“ во Скопје, делегација на Факултетот за музичка уметност – Скопје положи свежо цвеќе пред споменикот на светите Кирил и Методиј на платото на универзитетскиот кампус.

Објавено на: 24 мај 2021

Честит 24-ти Мај - патрониот ден и 72-годишнината од основањето на УКИМ

Почитувани,

Денес се одбележува „24 Мај“ – патрониот ден и 72-годишнината од основањето на Универзитетот „Св. Кирил и Методиј“ во Скопје.

Нека е честит и вечен споменот на сесловенските просветители.

Пријатен празничен ден,

Факултет за музичка уметност - Скопје