Објавено на: 15 декември 2016

Испит од втор циклус студии - Драгана Даутовска

С О О П Ш Т Е Н И Е

На 22.12.2016(четврток), со почеток во 17:00 часот, ќе се одржи завршен испит од втор циклус студии од студиската програма по МУЗИЧКА ИНТЕРПРЕТАЦИЈА – ХОРСКО ДИРИГИРАЊЕ на студентката ДРАГАНА ДАУТОВСКА.

 

Комисија:  Проф. м-р Сашо Татарчевски

                   Проф. м-р Саша Николовски - Ѓумар

                   Вонр. проф. д-р Ивица Зориќ

                   

                   

 


Објавено на: 07 декември 2016

Свечен концерт по повод 50 години од основањето на Факултетот за музичка уметност - Скопје

На 6.12.2016 година, се одбележаа 50 години од основањето на најстарата високообразовна музичка институција во Република Македонија - Факултетот за музичка уметност – Скопје.

На овој значаен Јубилеј, в. д. Деканот на Факултет за музичка уметност - Скопје, проф. м-р Зоран Пехчевски, додели посебни благодарници на институциите кои изминативе години несебично го подржуваа Факултетот и ја даваа својата поддршка за неговиот развој - Универзитетот „Св. Кирил и Методиј“ во Скопје, Македонската опера и балет, Македонската филхармонија, Министерството за култура на Република Македонија и Претседателот на Република Македонија, Н.Е. д-р Ѓорге Иванов.

На свечениот концертот на кој настапија Симфонискиот оркестар на ФМУ, биг-бендот, хорот и оркестарот на народни инструменти, под диригентската палка на проф. м-р Сашо Татарчевски и проф. м-р Саша Николовски – Ѓумар, премиерно беше изведена композицијата „Твојот пат“ од проф. Живоин Глишиќ, која специјално беше компонирана за овој настан, а имавме и исклучителна можност да чуеме и премиерна изведба на композиции од Г. Свиридов, И. Стравински, Д. Мијо, Х. Вила-Лобос и А. Гинастера.

Како солисти на овој концерт настапија и поранешните студенти на Факултетот за музичка уметност - Скопје, баритонот Иван Наумовски и сопранот со светска слава, доц. м-р Ана Дурловски. 

Концертот беше во соработка со продуцентската куќа „La Fura dels Baus“ од Шпанија.

 


Објавено на: 06 декември 2016

Орден за заслуги на Факултетот за музичка уметност - Скопје

На 6.12.2016 година (вторник), Претседателот на Република Македонија, Н.Е. д-р Ѓорге Иванов, го закити Факултетот за музичка уметност - Скопје, во состав на Универзитетот „Св. Кирил и Методиј“ во Скопје со Орден за заслуги за Македонија.

Оваа свечена церемонија се одржа на 50 годишнината од основањето на најстарата музичка високообразовна институција во Република Македонија - Факултетот за музичка уметност - Скопје, за особено постигнатите резултати во образовната, уметничката и научната дејност, како и во збогатувањето и промовирањето на македонската музичка култура и афирмација на Република Македонија во светот.


Објавено на: 05 декември 2016

Научен собир „Едукација, традиција, современи тенденции“

На 5.12.2016 (понеделник), со почеток во 11:00 часот, во Малата сала на Факултетот за музичка уметност-Скопје ќе се одржи научен собир насловен „Едукација, традиција, современи тенденции“.

Повелете, ќе ни биде драго да присиствувате.


Објавено на: 30 ноември 2016

50 години - Факултет за музичка уметност - Скопје - Јубилеен концерт!

На 6-ти декември 2016 година (вторник), Факултетот за музичка уметност - Скопје ќе одбележи 50 години од основањето на Факултетот!

По повод 50-годишнината на Факултетот, во Македонската опера и балет, со почеток од 20:00 часот ќе се одржи Концерт на кој ќе учествуваат и поранешни и сегашни студенти од Факултетот, симфонискиот оркестар, биг - бендот, оркестарот на народни инструменти, хорот и многу вокални солисти.

Во прилог може да ја погледнете целосната програма за овој прекрасен настан.

Ве очекуваме заедно да го прославиме овој значаен јубилеј 50 години - ФАКУЛТЕТ ЗА МУЗИЧКА УМЕТНОСТ - СКОПЈЕ!

https://www.youtube.com/watch?v=fqGaq4kiNC8&feature=youtu.be

 

 

new poster50godini.pdf

Објавено на: 19 октомври 2016

Запишување на пријавените кандидати за упис на втор циклус студии

С О О П Ш Т Е Н И Е

Се известуваат кандидатите пријавени за упис на втор циклус студии на студиските програми на Факултетот за музичка уметност - Скопје, во учебната 2016/2017 година, дека запишувањето ќе се врши на 20-ти и 21-ви октомври, 2016 година.

Потребни документи за запишување:

  • Образец за запишување на семестар, со уплата за административна такса од 50 денари (се купува во книжарници);
  • Две фотографии, со димензии 3,5*4,5;
  • Потврда за уплатена прва рата школарина – 36.900,00 денари (уплатниците може да ги видите во прилог на ова известување);
  • Потврда за уплатени 500,00 денари за студиска програма.

 

Се известуваат кандидатите да не купуваат индекси, бидејќи истите ќе ги добијат од Факултетот!

Уплатници.docx

Објавено на: 27 септември 2016

ERASMUS+ Конкурс за мобилност на студенти и наставници за академската 2016/2017 година

ERASMUS+ Конкурс за мобилност на студенти и наставници за академската 2016/2017 година

KONKURS 2016-17c_21280_660.doc

Објавено на: 15 септември 2016

Распоред на приемни испити за кандидатите пријавени во третиот уписен рок

Распоредот е во прилог. 

Приемни испити 2016-2017 трет рок.pdf

Објавено на: 12 септември 2016

Запишување на примените кандидати од вториот уписен рок, во учебната 2016/2017 година

С О О П Ш Т Е Н И Е

ЗА ЗАПИШУВАЊЕ НА ПРИМЕНИТЕ КАНДИДАТИ ОД ВТОРИОТ УПИСЕН РОК, ВО УЧЕБНАТА 2016/2017 ГОДИНА

 

 Запишувањето на примените кандидати, пријавени во вториот уписен рок во учебната 2016/2017 година, ќе се врши на 14-ти септември, 2016 година.

 Потребни документи:

 

  • Образец за запишување на семестар, со уплата за административна такса од 50 денари (се купува во книжарници);
  • Образецза потребите на Завод за статистика - ШВ.20 (се купува во книжарници);
  • Три фотографии (две фотографии со димензии 3,5*4,5 и една со димензии 2*3);
  •  Потврда за уплатена прва рата школарина

-       6150,оо денари (100 евра), за студентите запишани во државна квота;

-       12.300,оо денари (200 евра), за студентите запишани со кофинансирање на студиите;

  • Потврда за уплатени 1500 денари за амортизација;
  • Потврда за уплатени 500 денари за студиска програма;
  • Потврда за уплатени 750 денари за информативни, информатички, културни и спортски активности на студентите на Универзитетот „Св. Кирил и Методиј", на следнава жиро сметка

-       цел на дознака:ИКСА на УКИМ - Факултет за музичка уметност

-       жиро сметка: 100000000063095

-       депонент: НБРМ

-       сметка на буџетски корисник: 1600103689 788 18

-       приходна шифра 723012, програма 41.

 

Останатите жиро – сметки (освен погоре наведената од 750 денари) може да ги видите во продолжение на ова соопштение.

 

ВАЖНА ИНФОРМАЦИЈА:

  • Се известуваат кандидатите да не купуваат индекси и студентски легитимации, бидејќи истите ќе ги добијат на Факултетот!
Уплатници.doc