Последни објавени новости на ФМУ.

Објавено на: 10 јуни 2020

Заверка на летниот семестар и пријавување на испитите од јунската испитна сесија 2019/20

Почитувани студенти,

Во тек е заверката на летниот семестар и пријавувањето на испитите во јунската испитна сесија, која ќе трае од 15 јуни до 15 јули 2020 година. Пријавувањето на испитите се врши исклучиво во системот iKnow.

Системот iKnow е отворен за пријавување на испитите од вторник, 9.6.2020, до недела, 14.06.2020 година до 23:59 часот.

За сите прашања поврзани со заверката на семестарот и пријавувањето на испитите контактирајте го Одделението за студентски прашања – ФМУ.

Во прилог е распоредот за јунската испитна сесија.

Објавено на: 10 јуни 2020

Известувања за начинот на изведување на испитите од прв циклус студии во јунската испитна сесија

Објавено на: 10 јуни 2020

Протокол за изведување на испити со физичко присуство од Министерството за образование и наука

Објавено на: 29 мај 2020

Известување за јунската испитна сесија 2019/20

Почитувани колеги и студенти,

во прилог можете да го видите известувањето во врска со јунската испитна сесија 2019/20.

Објавено на: 29 мај 2020

Одговор на писмото објавено на fakulteti.mk во име на студентското собрание на ФМУ - Скопје

Во прилог е одговор на писмото објавено на fakulteti.mk во име на студентското собрание на ФМУ - Скопје.

Објавено на: 23 мај 2020

Одбележување на 24 Мај – Патрониот ден на Универзитетот „Св. Кирил и Методиј“ во Скопје и 71-годишнината од неговото основање

Почитувани студенти и вработени на ФМУ - Скопје,

нека ни е честит 24 Мај - Денот на сесловенските просветители светите браќа Кирил и Методиј и патрониот ден на Универзитетот „Св. Кирил и Методиј“ во Скопје. Оваа година го дочекуваме во вонредни услови и без традиционалните одбележувања на кои учеството на солистите и ансамблите на ФМУ - Скопје секогаш им даваше посебен сјај. Но се надеваме на што побрзо враќање на редовниот факултетски живот, наставата и уметничките активности на нашите студенти кои и натаму ќе бидат значаен дел од прославата на 24 Мај. 

На 22 мај (петок) 2020 година, во пресрет на 24 Мај – Денот на светите Кирил и Методиј и патрониот ден на Универзитетот „Св. Кирил и Методиј“ во Скопје, делегација на Факултетот за музичка уметност – Скопје положи свежо цвеќе пред споменикот на светите Кирил и Методиј на платото на универзитетскиот кампус.

Објавено на: 02 април 2020

Одлука за начинот на реализација на дејностите на Факултетот за музичка уметност – Скопје

Почитувани,

Во прилог е Одлуката за начинот на реализација на дејностите на Факултетот за музичка уметност – Скопје, согласно мерките на надлежните органи во Република Северна Македонија за спречување на внесување и ширење на коронавирусот CoVid-19.

ФМУ - Скопје

Објавено на: 24 март 2020

Известување за продолжување на мерките за прекинување на образовниот процес

Почитувани,

Согласно одлуката на Владата на Република Северна Македонија донесена на дваесет и петтата Седница одржана на 21.03.2020 година, сите претходно донесени заклучоци, за кои бевте известени, а со кои се даваат мерки, препораки и насоки, се продолжуваат и важат до завршување на периодот на постоење на вонредната состојба на територијата на Република Северна Македонија.

ФМУ - Скопје

Објавено на: 10 март 2020

Известување согласно мерките и активностите за превенција од ширење на корона вирусот

Почитувани,

Факултетот за музичка уметност - Скопје, го запира одвивањето на наставниот процес во тек на наредните 14 денови.

Факултетот за музичка уметност - Скопје, согласно мерките и активностите за превенција од ширење на корoнa вирусот, ќе биде затворен заклучно со 24.3.2020 година.

Веќе закажаните испити со учество на поголеми ансамбли (хор, симфониски оркестар, гудачки и дувачки оркестри), се одлагаат.

Веќе закажните индивидуални испити ќе бидат од затворен карактер (кандидат, соработници, комисија), без публика.

Во прилог ви го доставуваме Известувањето бр. 03-415/1 од 10.3.2020 година, од Ректоратот на Универзитетот „Св. Кирил и Методиј“ во Скопје.

ФМУ - Скопје

Објавено на: 03 март 2020

Одлука за распишување на избор на 1 претставник од четврта година за член на Факултетското студентско собрание на Факултетот за музичка уметност- Скопје

Во прилог е одлуката за распишување на избор на 1 претставник од четврта година за член на Факултетското студентско собрание на Факултетот за музичка уметност- Скопје