Универзитет 'Св.Кирил и Методиј' во Скопје Факултет за музичка уметност - Скопје

м-р Васо Ристов

Редовен професор

м-р Васо Ристов

труба

email: ristov_vaso@hotmail.com

М-р Васо Ристов – еден од најпознатите македонски солисти на дувачки инструменти во својата генерација. Роден во Радовиш – крај откаде потекнуваат видни македонски музички уметници и творци – Васо Ристов своето образование го стекнува кај истакнатиот уметник и педагог Симеон Савев во чијашто класа го завршува Средното музичко училиште во Штип и Факултетот за музичка уметност во Скопје. Уште во студентските денови се бележи и почетокот на неговата уметничка дејност: Васо Ристов станува соработник во оркестарот на Македонската Опера и Балет која  25 години ќе биде неговата матична институција и во која за кратко време ќе стигне до позицијата на прв трубач-солист (а подоцна – и уметнички директор на Македонската Опера). Покрај студирањето и стекнувањето искуство во оркестарот, Васо Ристов ги користи различните можности за професионалното усовршување, редовно учествувајќи на семинари и музички кампови за млади уметници, а добива и бројни награди на повеќе државни натпревари во поранешната СФРЈ. Од особено значење за неговата професионална кариера се специјализацијата на Академијата за музичка уметност во Прага – Чешка и магистерските студии на Државната музичка академија „Панчо Владигеров“ во Софија – Бугарија. Во изминатиов период Васо Ристов е постојано ангажиран во различни ансамбли: Симфонискиот оркестар во Румбурк – Чешка, Симфонискиот оркестар во Приштина – Косово, Македонската Филхармонија, Воениот оркестар на АРМ и неговата матична институција-Македонска Опера и Балет и др. Со овие ансамбли и како солист Васо Ристов учествува на најзначајните фестивали и манифестации во својата земја и надвор од неа.

Исклучително важна гранка на професионалната дејност на Васо Ристов е педагогијата со која тој почна да се бави набрзо по дипломирањето, предавајќи во музичкото училиште во својот роден град. Веќе како познат уметник, Васо Ристов беше ангажиран во ДМБУЦ „Илија Николовски-Луј“,.Државниот универзитет во Тетово-Универзитетот во Приштина,Универзитетот Гоце Делчев во Штип-Визитинг професор на факултетот за музички уметности во Митровица(Косово)а денес тој е редовен професор на Факултетот за музичка уметност во Скопје кадешто несебично го споделува своето знаење и искуство со младите генерации. Во изминатиов период Васо Ристов постигна завидни педагошки резултати: над 80 награди за неговите ученици и студенти на бројните меѓународни натпревари и 30 дипломци во неговата класа од кои десетина се стекнале и со звањето магистер. Овие млади уметници веќе заземаат водечки позиции во сите професионални оркестри на Македонија. Со своите уметнички и педагошки дострели Васо Ристов стекна авторитет кај неговите колеги од различни земји кои му доверуваат водење на стручното жири на бројни меѓународни натпревари, одржување на семинари, мастер класи и редовна настава на универзитетите во земјава и странство.

Огласна табла

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори