Универзитет 'Св.Кирил и Методиј' во Скопје Факултет за музичка уметност - Скопје

м-р Катерина Костадинова Гелебешева

Редовен професор

м-р Катерина Костадинова Гелебешева

Пијано

email: gelebeseva.k@gmail.com

Катерина  Гелебешева-Костадиновска е родена во Скопје на 16.03.1969 година. Во нижото музичко училиште била примена на својата 5 – годишна возраст учејќи пијано во класата на проф. Евушка Трпкова – Елезовиќ, кај која продолжила и во средното музичко училиште. Во нејзиното образование по пијано во средното музичко училиште учела и во класата на проф. Тодор Светиев. На Музичката Академија во Загреб се запишала во 1987 година во класата на истакнатиот пијанист и педагог проф. Владимир Крпан. Дипломирала како најдобар студент во 1991 година, здобивајќи се со звањето академски музичар, пијанист и професор по пијано.

На  Факултетот за музичка уметност во Скопје постдипломските студии ги завршила во 1993 година, во класата на проф. Борис  Романов.

Во  текот на нејзиниот средношколски  и факултетски едукативен период редовно учествувала на голем  број јавни часови, на аудиции, а  настапувала честопати и на концерти, додека од 1980 година станала редовен  учесник на сите натпревари на ученици  и студенти по музика, секогаш освојувајќи високи места како во Републиката, така и надвор од нејзините граници и тоа први, втори и специјални награди.

Една  година пред нејзиното запишување на Музичката академија во Загреб (1986) станала добитник на специјалното меѓународно признание за изведба на дела од Борис Папандопуло, во Грожњан каде што била воедно и најдобар млад учесник. За еден од нејзините најголеми успеси се смета освоената  III-та награда на XXIV-от натпревар на млади музички уметници во Загреб одржан во 1990 година. Била и успешен преставник на Загребската Музичка академија на двете средби на студентите  од Музичките академии  од поранешната Југословенска држава, што се одржале во Љубљана (1989) и Приштина(1990).

Во  циклусот концерти Подиум на млади на фестивалите Скопско лето и Охридско лето  настапила по четирипати во периодот од 1987 година до 1997 година.

Како  учесник земала учество на многубројни  пијано семинари под раководство  на Р.Керер, И.Ендо, Е.Тимакин, Р.Мураро, М.Н.Гинзбург и др. Нејзината солистичка кариера како пијанист  ја одбележуваат  голем број концерти  ширум Македонија, како и во Загреб, Сараево, Дубровник, Грожњан, во Италија (Стрезе), Турција (Истанбул), Бугарија (Софија), Португалија (Порто), Србија (Ниш, Белград, Нови Сад), Холандија (Харлем, Ден Бош), Романија (Букурешт, Крајова), Франција (Париз),..

Покрај  самостојните  концертни настапи, со посебен успех и високи оценки  од музичката критика, повеќекратно настапувала, до сега, со Македонската филхармонија, Камерниот оркестар при МФ, Загребската филхармонија, Симфонискиот оркестар на ХРТВ Загреб. Од големиот број нејзини настапи за одбележување е изведбата на клавирскиот концерт од Камиј Сен-Санс под диригенство на маестро Ангел Шурев.

Во 2000-та година заедно со нејзиниот сопруг Глигор Гелебешев реализира активна уметничка кариера како пијано дуо, а од 2002-та година остварува и успешна уметничка соработка со обоистот Васил Атанасов.

Веднаш  по нејзиното дипломирање во 1991 година се вработила како професор  по пијано во МБУЦ "Илија Николовски Луј" во Скопје  каде останала до 1995 година. За време на овој период нејзината успешна педагошка работа ја потврдиле и нејзините ученици со учество на тематските вечери  и завршни концерти организирани од ова училиште. Од октомври 1995 година работела како доцент по пијано на одделите I,II,VI и VII, а од 2004 година работи и со студент на III оддел - одделот по пијано .

Од 2005 година работи како вонреден професор по пијано на Факултетот за Музичка  уметност во Скопје, но исто така предава и камерна музика и корепетиција на катедрата по пијано. 


Покрај  нејзината активност на сцената  како самостоен солист, често зема учество  и како пијанист-соработник. Од 2002-та година активно соработува со обоистот Васил Атанасов, со кого има реализирано над 30 концерти низ Македонија (Скопје, Куманово, Струмица, Гевгелија, Неготино, Охрид...), како и на сите значајни фестивали како Охридско лето, Скопско лето, Битола-Хераклејски вечери,Штипско лето. ДММ, Есенски музички свечености.Имаат издадено и ЦД со наслов Романтична музика (2006) со дела од Паскули, Даили, Рахмањинов, Понкиели, Колин, Карапатозо, Ибер и Десландре.За музичката архива на МРТВ направиле повеќе трајни тонски снимки.

Особено акцентирана концертна дејност  од 2001 година па се до денес остварува со пијано дуото Гелебешеви, кое го формирала со нејзиниот сопруг Глигор Гелебешев. Во концертната актива на пијано дуото влегуваат над 40 јавни настапи во скоро сите градови низ Македонија (Скопје, Битола, Прилеп, Штип, Охрид, Куманово, Тетово, Струмица, Гевгелија...), кои музичката критика ги оценува со најпофални зборови. На идентичен прием наидуваат и концертите остварени и на скоро сите најзначајни фестивали во државата (Охридско лето, Скопско лето, Битолско лето, Прилепско лето, Интерфест-Битола, Златна лира, ДММ. Пијано дуото Гелебешеви настапува и во странство- 2005 година настап во Париз (Франција); 2007 година настап во Нови Сад (Србија); 2008 година настап во Букурешт, Крајова (Романија); 2009 година настап во Ниш (Србија) и 2009 година настап во Харлем, Ден Бош (Холандија).

Во 2008 година го имаат издадено и првото ЦД со дела од Дебиси, Хачатурјан, Шопен, Шабрие и Барток. Како пијано дуо  за МРТВ оствариле и повеќе трајни тонски снимки.

Огласна табла

Известување за предавање

30/05/2018

Документ: alumni_predavadanje_UKIM-2018.pdf
Во прилог Покана/известување за предавање кое ќе се одржи на 4 Јуни 2018 година, со почеток во 11 часот, во свечената сала во Ректоратот.
 

На 4 јуни 2018 (понеделник), м-р Томислав Чокревски, докторант на Институтот за право, технологија и општество при Универзитетот во Тилбург (Холандија) ќе одржи предавање под наслов:

 

 

Пребришани умови, испрани мозоци

 

Манипулација, индоктринација,  лажни вести и современ популизам: правото на слободна мисла во

невро-технолошката, пост-фактичка ера

 

 

Предавањето ќе се одржи во свечената сала на Ректоратот на УКИМ, со почеток во 11:00 часот. Чест ни е да ве поканиме да присуствувате на настанот со кој започнува претставувањето на алумните на УКИМ пред академската заедница.

Со овој настан започнува претставувањето на алумните на УКИМ пред академската заедница.
 
 
 
Ректорат
 
<< Затвори

Промоција на прирачник на ФМУ - Скопје

17/05/2018

Во соработка со Факултетот за Музичка Уметност – УКИМ, катедрата за балетска педагогија-современ танц и вонр.проф. д-р. Искра Шукарова, Центарот за Даунов Синдром организира промоција на прирачникот кој е подготвен како дел од проектот И јас сакам да бидам балерина, поддржан од ЕУ и УНИЦЕФ. Оваа соработка е исто дел од проектот Номад то Номад на НВО- Номад Танц Академија Македонија.

Промоцијата ќе се одржи во концертната сала на ФМУ на 17. 05. 2018 во 15 часот.

<< Затвори

Одржана традиционалната манифестација „Отворен ден, запознајте го УКИМ“

07/05/2018

Традиционалната манифестација „Отворен ден, запознајте го УКИМ“ се одржa во саботата, 5.5.2018 година, на Кампусот на техничките факултети (МФС, ФЕИТ, ФИНКИ, ТМФ) каде беа сместени штандовите на факултетите.

Манифестација беше  наменета за средношколците од сите училишта во Република Македонија, но и за оние кои сакаат да дознаат нешто повеќе за програмите на сите циклуси на УКИМ.

Посетителите имаа можност непосредно во разговор со наставниот кадар и студентите да се запознаат со дејноста на најстарата високообразовна институција во државата, нејзината долга традиција, мисија и визија.

Се свој штанд се претстави и Факултетот за музичка уметност – Скопје, а нашите студенти, се погрижија за реализација на забавниот дел од овој настан.

<< Затвори

Редослед за главната аудиција за солисти со оркестарот на Македонската филхармонија

04/05/2018

Редослед за главната аудиција

за солисти со оркестарот на Македонската филхармонија

 

10:00 ч.

 

  1. Ангел Спировски (оркестарско диригирање)
  • Џ. Росини: Увертита „Севилски берберин“

 

10:10 ч.

 

  1. Ивана Јанаќиева (пијано)
  • М.Равел: Концерт за пијано и оркестар G-dur, I став

 

  1. Зоран Станишиќ (пијано)
  • С.Рахмањинов: Концерт за пијано и оркестар бр.1 оп.1,  I став

 

  1. Тоше Темелков (пијано)
  • С.Рахмањинов: Концерт за пијано и оркестар бр.2 оп.18, I став

 

  1. Артемида Ќари (пијано)
  • Д.Шостакович: Концерт за пијано и оркестар бр.2 оп.102 F-dur, I став

 

10:50 ч.

 

  1. Никола Мицевски (кларинет)
  • К. Росе-На тема од К. М. Вебер: Фантазија и рондо

 

  1. Ѓорѓи Димитров и Бојан Лушкоски (дуо кларинети)
  • Ф. Крамер: Концерт за два кларинета

 

  1. Стефан Неделковски (саксофон)
  • Д. Мијо: Скарамуш

 

  1. Филип Каревски (фагот)
  • Ф. Данци: Концерт за фагот Еф-дур

 

  1. Благоја Василевски (хорна)
  • Р. Штраус: Концерт Бр. 1, I став  

 

  1. Антонио Весковски (удирачки инструменти)
  • Н. Рoсауро: Концерт за маримба, I став

 

 

 

11:45 ч.

 

  1. Александра Чуруковска (контрабас)
  • С. Кусевицки: Концерт за контрабас и оркестар, I став  

 

  1. Илза Бафтиари (виола)
  • Ц. Форсајт: Концерт за виола и оркестар, I став

 

  1. Eни Вучидолова (виолина)
  • А. Дворжак: Концерт за виолина и оркестар, I став

 

 

 

Декан

проф. м-р Зоран Пехчевски

<< Затвори

ОТВОРЕН ДЕН НА УКИМ

02/05/2018

Отворен ден на УКИМ на 5.5.2018 година од 10 до 17 часот на Кампусот на техничките факултети (МФС, ФЕИТ, ФИНКИ, ТМФ). ПОВЕЛЕТЕ!!!

<< Затвори

Одржана промоција на каталогот за мелограмите од легатот на истакнатиот македонски фолклорист Васил Хаџиманов

23/04/2018

На 18.4.2018 година, на Факултетот за музичка уметност во Скопје, во присуство на министерот за култура, г-дин Алаѓозовски, пратеници од Собранието на РМ, претставници на МАНУ, други институции и стручната јавност,  беше промовиран каталогот на дигитализираните мелограми од легатот на истакнатиот македонски фолклорист Васил Хаџиманов, кој го изработија студентите на програмата од вториот циклус студии за музички науки при ФМУ-Скопје, Николче Витковски и Цветанчо Николоски, под менторство на проф. д-р Димитрије Бужаровски.

На свеченоста, каталогот им беше предаден на претставниците на Македонската академија на науките и уметностите, каде се наоѓа овој легат. Во овој каталог се попишани 10.166 мелограми, кои се дел од обемниот легат на Васил Хаџиманов што се наоѓа во архивот на МАНУ. Со попишувањето на мелограмите се прави уште еден важен исчекор во содржината на легатот и брзото и лесно пребарување, посебно имајќи ја предвид неговата обемност.

Овој настан, исто како и попишувањето на комплетната содржина на легатот е од посебно значење за заштитата на македонското духовно културно наследство, е дел од посветената работа на  „Архивот Бужаровски“ (BuzAr), каде што каталогот ќе биде примарно депониран.

Поводот за попишувањето на мелограмите произлезе од работата врз колекцијата на носачи на звук (ленти и касети) од истакнатиот македонски фолклорист Кирил Пенушлиски, која е дигитализирана во „Архивот Бужаровски“ од вонр. проф. д-р Трена Јорданоска во 2008 година. При тоа, во метаподатоците кои ги придружуваа лентите било назначено дека дел од нив се мелографирани од Васил Хаџиманов. По завршувањето на оваа каталогизација беа скенирани 787 мелограми од кои 610 мелограми се поврзани со Колекцијата Пенушлиски.

На овој настан беше одбележана 25-годишнината од првите две дигитални снимки на хард-диск од творештвото на Димитрије Бужаровски, кои се првите дигитални снимки на хард-диск не само во Македонија, туку и на Балканот.

„БузАр“ е најголемиот дигитален архив на звучно културно наследство во Република Македонија и пошироко на Балканот. Во него се наоѓаат дигитализирани и во најголема мерка каталогизирани 2 терабајти со аудио, видео, фотографии, книги, есеи и публицистички текстови, МИДИ, партитури, мелограми, бази на податоци – поврзани со македонското и балканското културно наследство.

Меѓу нив посебно се издвојуваат 14 обемни колекции со музички и говорен фолклорен материјал (Фирфов, Видоески, Пенушлиски, Брзанов, Линин, Бадев, над 1500 детски песни и игри снимени во видео формат од Македонија, Косово и Јужна Србија), но и сопствената продукција на 20 документарни филмови и целокупни концерти (Ѓорѓи Доневски, Бапчорки, Костурчанки, Калистрат Зографски, портрети на Александра Џамбазов, Љубомир Бранџолица, Јордан Цаневски, Зоран Димитровски, Иван Кочаров, Евушка Трпкова-Елезовиќ, Снежана Анастасова Чадиковска, Јени Јол, Ендејдик итн.), 6 музички спотови, над 190 кратки видеа од хрониките на ИРАМ и „БузАр“ и над 110 аудио снимки од концерти.

 

<< Затвори

Одбрана на теорискиот дел од докторска дисертација на кандидатката - м-р ЕЛЕНА АТАНАСОВСКА - ИВАНОВСКА

05/04/2018

С О О П Ш Т Е Н И Е

 

На 16.4.2018 (понеделник), со почеток во 14:00 часот, во Малата сала на Факултетот за музичка уметност - Скопје ќе се одржи одбрана на теорискиот дел од докторска дисертација на кандидатката м-р Елена Атанасовска-Ивановска.

 

Одбраната на теорискиот труд ќе се изврши пред комисија во состав:                 

Проф. м-р Борис Романов

Проф. д-р Ганка Цветанова

Проф. д-р Викторија Коларовска Гмирја

Проф. д-р Марија Ѓошевска

Проф. д-р Ана Гацева

<< Затвори

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори