Универзитет 'Св.Кирил и Методиј' во Скопје Факултет за музичка уметност - Скопје

м-р Кристина Светиева

Доцент

м-р Кристина Светиева

пијано

email: svetieva_kristina@yahoo.com

Кристина  Светиева е родена во Скопје 1985 год. Пијано започнува да учи и да настапува  на шест годишна возраст. Дипломира во 2006 год. на Факултетот за музичка уметност во Скопје во класата на проф. Т. Светиев, а магистрира со „цум лауде“ во 2008 год. под менторство на проф. Жени Захариева. 

Во  текот на своето школување се истакнува  како една од македонските најталентирани млади пијанистки и развива широка концертна дејност. Успешно настапува на подиумите низ Македонија (“Охридско Лето”, “Скопско Лето”, “Денови на Македонска Музика”) и надвор од земјата (Турција, Италија, Бугарија, Шведска, Холандија, Хрватска, Чешка,Србија).  

Носител е на повеќе високи државни и меѓународни  награди и признанија на натпреварите во Италија, Бугарија, Чешка,”Охридски  Бисер”, Сан Даниеле, Русалка. 

Меѓу  бројните нејзини настапи како позначајни се издвојуваат нејзиното деби со Македонската Филхармонија на седумгодишна возраст, а потоа следуваат настапи со истиот оркестар 1996, 1999, 2002, 2004, 2007.  

Забележителни се и настапите со оркестарот на Факултетот за Музичка Уметност 2005, како и учеството на повеќе интернационални музички фестивали меѓу кои:  

о Интернационалниот музички фестивал во Анкара - Турција  (1997);
о Настап со филхармонијата во Разград - Бугарија во рамките на Балканскиот Пијанистички Форум (2000);
о Интернационалниот музички фестивал во Северен Кипар (2000);
о Берген - Холандија (2001);
о “Охридско Лето” во Охрид - Македонија (2002)
о Солистички рецитал во престижната „Сала Бугарија“ во  Софија- Бугарија (2009)

-      Концерт на Весна Гиновска - Илкова - сопран и Кристина Светиева - уметнички соработник во рамките на фестивалот „Златна Лира“ 

Исто  така има остварено повеќе солистички рецитали во Скопје во салонот 19.19 и во салата на факултетот за музичка уметност (1998, 2000, 2001, 2003, 2004, 2008).   

Активен учесник е на бројни пијанистички семинари и мајсторски класи каде соработува со бројни еминентни педагози и пијанисти како што се: Ж. Захариева, Н. Штаркман, В. Крпан, А. Португез, Ф. Фолк, П. Донахју, Џ. О’Конор, М. Ф. Буке, Ф. Турисини, К. Сакаи, А. Лемони, М. Каишиге, Т. Каишиге и сите го одбележуваат нејзиниот исклучителен талент и извонредните изведувачки способности.

Под менторство на проф. Жени Захариева и проф. д-р Д. Бужаровски, К. Светиева ги следи докторските студии на ФМУ во Скопје  и специјализацијата на „ Сцуола Цанторум“ во Париз каде веќе се здоби со диплома „Дипломе Супéриеур“.

Од  септември 2006 год. се вработува како педагог по пијано во ДМБУЦ  „Илија Николовски – Луј“ во Скопје, а во мај 2008 година К. Светиева е избрана како  асистент по пијано на Факултетот за музичка уметност во Скопје.

Огласна табла

Оперски гала концерт „Млади оперски надежи-Коста Трпков“! Студенти по соло пеење настапуваат како солисти со оркестарот на Македонската опера и балет, под диригентско водство на Дијана Илкоска. Понеделник, 12.6.2017, со почеток во 20:00 часот, во салонот на МОБ!

10/06/2017

<< Затвори