Универзитет 'Св.Кирил и Методиј' во Скопје Факултет за музичка уметност - Скопје

м-р Андријана Јаневска

Доцент

м-р Андријана Јаневска

Соло пеење – популарни жанрови, Група наставни предмети од областа на популарните жанрови

email: info@andrijana.com.mk

Андријана Јаневска (06.12.1981) е родена во Скопје, каде моментално живее и работи. Музичката наобразба ја започнува на 6 годишна возраст во нижото музичко училиште, отсек виолина. Средно училиште завршува во ДМБУЦ „Илија Николовски - Луј“ во Скопје, отсек виолина кај проф. Иле Темков. Во 2004 година дипломира со највисока оцена на Факултетот за музичка уметност во Скопје на вокално-инструменталниот оддел - отсек виолина, кај проф. Љубиша Кировски. Во 2011 година магистрира со просек 10,00 на одделот за Музичка теорија и педагогија, отсек Методика на музичка настава кај проф. д-р Викторија Коларовска Гмирја.

            За време на средното музичко образование посетува дополнителна настава по диригирање и композиција, и активно учествува на семинари по виолина кај виолинистите Марина Јашвили и Благоја Димчевски.

            Работела како наставник по музика на Факултетот за Аудио-Визуелни Уметности ЕСРА Париз-Скопје-Њујорк, наставник по музика во гимназијата Алгоритам, наставник по виолина во музичкото училиште во Куманово и како наставник по солфеж, теорија на музика, естрадно пеење и пијано во музичкото училиште „Ентерпрајз“. Неколку години е главен музички ментор на македонските претставници на детскиот Евросонг. Работи и како надворешен стручен музички соработник во списанијата за деца Росица и Смешко. Секоја година е редовен гостин-предавач во  институции од јавен интерес, културно-информативни центри, градинки, основни и средни училишта. Од 2002 година работи во Македонската Опера и Балет како прва виолина, а од јули 2017 година е доцент на ФМУ Скопје.

            Освен што пее и работи како виолинист, таа свири пијано и бас гитара. Била придружен вокал на многу уметници, меѓу кои и на Влатко Стефановски, Џибони и Бајага. Има напишано многу композиции во доменот на популарната музика, а се јавува и како текстописец и аранжер на многу популарни песни. Од 1988 до 1996 година членува во детскиот хор за духовна музика „Пиколо“. Од 1999 до 2015 година активно членува во женскиот камерен хор „Св. Злата Мегленска“. Повеќе пати била член во жири комисии на државни и меѓународни натпревари по музика и уметност (член на национална жири-комисија за Евровизија, член на комисија за мјузиклот Тајно моја, член на комисија за избор на најталентиран ученик во Општина Карпош, член на меѓународна жири-комисија на арт фестивалите Езерски бисери и Дојрана и др.). Има издадено две книги од стручна област: „Заспивалки“, издавач Едука Мак 2015 и „Слушни, пеј, играј“, издавач Просветно Дело 2017. Неколку пати учествувала на научни конференции во Македонија а презентирала и во Рим, Италија. Има објавено абстракт во зборник на меѓународна конференција и труд со оригинални научни резултати во научно/стручно списание International Journal of Arts and Sciences, 2012.

            Во 2007 година во МОБ настапува како виолинист (главна улога) во опера/мјузикл Dorothy.Sconcerto per Oz, а претставата се репризира и во Kampnagel Hamburg, Хамбург - Германија. Како виолинист настапувала и во Осијек - Хрватска, Атина - Грција, Ниш и Белград - Србија, Париз - Франција, Рим - Италија, Њујорк, Њу Џерси, Вашингтон и Лос Анџелес - САД, Мелбурн, Канбера и Сиднеј - Австралија. Како концерт-мајстор на камерниот состав во МОБ настапува на многу детски претстави низ Македонија.

            Автор е на „Бог и јас“ - циклус соло песни за мецосопран, виолина, пијано и гитара чија премиера се одржа во Њујорк, во август 2017 година. Има напишано аранжмани за биг бенд, ревиски и симфониски оркестри. Автор е на музиката за австрискиот краткометражен филм „Hyro“, во соработка со Хрватскиот национален балет.

 

НАГРАДИ И ПРИЗНАНИЈА (КЛАСИЧНА МУЗИКА)

 

Специјална I награда (100 бода) - солфеж, државен натпревар (05.04.2001);

I награда во II категорија - клавирско трио, државен натпревар (28.04.1999);

II награда во I категорија - виолина, државен натпревар (01.04.1993);

II награда во III категорија, виолина, државен натпревар (05.04.1995);

III награда во I категорија - виолина, државен натпревар (04.04.1992);

Пофалница, виолина - државен натпревар (1995);

Пофалница на државен натпревар по виолина (25.04.1996);

 

            Сопственик е на музичкото студио „Гиновски“ каде работи како композитор, пејач, виолинист, аранжер, пијанист и продуцент на изданија (реклами, видео игри, песни) во САД, Англија, Финска, Јужноафриканска Република, Италија, Канада, Полска, Грција, Австрија, Австралија, Шведска, Аргентина и др.

            Како пејачка и автор, дебитира на Скопје фест 1998 со своја композиција, а во 1999 година година на истиот фестивал освојува награда за најдобра интерпретација, најдобар текст и втора награда од жири. На Скопскиот фестивал 2000 година  настапува со песната „Твоето писмо моја Библија“ која ќе стане хит на деценијата. Победник е на Макфест 2000 година со песната „Љубов ти е адреса, а во 2001 година на Скопскиот фестивал освојува Гран при со песната Носталгија. Истата година го промовира првиот солистички албум „Моја Библија“. На Макфест 2001 година го освојува второто место со песната „Ден по ден“. Во 2000 година одржува солистички концерти во Мелбурн и Сиднеј, Австралија. Во 2002 година, повторно се натпреварува на изборот за песна на Евровизија, каде со песната „О Шери, мон Шери“ го освојува второто место. Истата година одржува солистички концерт во Минхен, Германија. Во 2006 година го промовира вториот солистички албум „Ден“. Во 2008, со Митан проект издава албум со 15 традиционални македонски песни „Македонски рози“. Албумот е прогласен за најпродавано издание во 2008 година. Веќе следната 2009 година издава нов албум со традиционални македонски песни, „Приказна за едно моме“, како продолжение на проектот со Митан. Во 2010 година го издава албумот со  детски божикни песни „Ѕвездичка мала“. Во 2011 година го издава албумот „Кога си среќен“ кој содржи 15 детски песни од англиско говорно подрачје, препеани на македонски јазик. Во 2015 година го промовира проектот „Заспивалки“, кој е прв проект од ваков вид во Македонија. Содржи книга за деца со илустрации и албум со 10 приспивни приказни и 10 приспивни детски песни на македонски јазик. Во 2017 година го промовира изданието „Слушни, пеј, играј“ со традиционални детски песни.

            Во својата богата концертна кариера, настапувала во сите градови низ Македонија. Во странство концертирала во Хрватска, Словенија, Полска, Словачка, Грција, Бугарија, Црна Гора, Кипар, Србија, Португалија, Германија, Франција, Шпанија, Италија, Шведска, Швајцарија, Летонија, Австралија и САД. Повеќепати настапувала како солист во придружба на Македонската Филхармонија и оркестарот на МОБ. Има одржано голем солистички концерт во придружба на симфонискиот оркестар во МОБ на 12  јануари 2017 година, како и повеќе солистички концерти низ Македонија, во придружба на камерни оркестри и поголеми бендови, од кои позначајни се концертот на фестивалот Охридско Лето (Антички театар, Охрид) и отворање на Битолско културно лето (Хераклеа, Битола). Во 2014 година во МОБ ја игра главната улога (Пенелопе) во првиот мјузикл во Македонија „Пенелопе Х“.

 

НАГРАДИ И ПРИЗНАНИЈА (ПОПУЛАРНА МУЗИКА)

 

1999 - втора награда од жири, награда за најдобра интерпретација и награда за најдобар текст на Скопје фест;

1999 - награда за најдобар дебитант на Макфест;

1999 - втора награда од жири на Охрид фест;

1999 - трета награда од публика и награда за најдобра интерпретација на Еврофест;

2000 - гран при на Макфест;

2000 - добитник на наградата „Откритие на годината“;

2000 - втора награда од публика на Еврофест;

2000 - награда за најдобра пејачка на годината на манифестацијата „12 величествени“;

2000 - награда за хит на годината за песната „Твоето писмо моја Библија“;

2000 - награда за најдобра пејачка на годината на манифестацијата „О каква ноќ“

2001 - гран при (прва награда од публика и прва награда од жири) на Скопје фест;

2001 - втора награда од публика и награда за најдобар сценски настап на Макфест;

2001 - награда „Лице на годината“ на манифестацијата „Лице на годината“;

2001 - трета награда од жири на Еврофест;

2002 - второ место на македонскиот избор за песна на Евровизија;

2008 - втора награда од жири на Охрид фест;

2013 - прва награда од жири на Охрид фест;

 

Албуми:

2001 - Моја Библија

2006 - Ден 

2008 - Македонски рози (етно)

2009 - Приказна за едно моме (етно)

2009 - Ѕвездичка мала (детски песни)

2011 - Кога си среќен (детски песни)

2013 - Патување на полноќ (во живо - етно)

2015 - Заспивалки (детски песни и приказни)

2017 - Слушни, пеј, играј (детски песни)

 

Синглови:

Има издадено 36 синглови и снимено 16 професионални видео спотови.

 

            Најголемо хоби и‘ е шахот, а како портпарол на Шаховската Федерација на Македонија, го организира Европскиот Шаховски Куп во Струга. Член е на шаховскиот клуб „Гамбит“. Од 2009 година е во брак со Драган Гиновски - Гино, познат македонски рок гитарист и аранжер (Архангел) со кого има два сина, Димитар (2011) и Кристијан (2015). Течно зборува англиски јазик.

Огласна табла

Известување за предавање

30/05/2018

Документ: alumni_predavadanje_UKIM-2018.pdf
Во прилог Покана/известување за предавање кое ќе се одржи на 4 Јуни 2018 година, со почеток во 11 часот, во свечената сала во Ректоратот.
 

На 4 јуни 2018 (понеделник), м-р Томислав Чокревски, докторант на Институтот за право, технологија и општество при Универзитетот во Тилбург (Холандија) ќе одржи предавање под наслов:

 

 

Пребришани умови, испрани мозоци

 

Манипулација, индоктринација,  лажни вести и современ популизам: правото на слободна мисла во

невро-технолошката, пост-фактичка ера

 

 

Предавањето ќе се одржи во свечената сала на Ректоратот на УКИМ, со почеток во 11:00 часот. Чест ни е да ве поканиме да присуствувате на настанот со кој започнува претставувањето на алумните на УКИМ пред академската заедница.

Со овој настан започнува претставувањето на алумните на УКИМ пред академската заедница.
 
 
 
Ректорат
 
<< Затвори

Промоција на прирачник на ФМУ - Скопје

17/05/2018

Во соработка со Факултетот за Музичка Уметност – УКИМ, катедрата за балетска педагогија-современ танц и вонр.проф. д-р. Искра Шукарова, Центарот за Даунов Синдром организира промоција на прирачникот кој е подготвен како дел од проектот И јас сакам да бидам балерина, поддржан од ЕУ и УНИЦЕФ. Оваа соработка е исто дел од проектот Номад то Номад на НВО- Номад Танц Академија Македонија.

Промоцијата ќе се одржи во концертната сала на ФМУ на 17. 05. 2018 во 15 часот.

<< Затвори

Одржана традиционалната манифестација „Отворен ден, запознајте го УКИМ“

07/05/2018

Традиционалната манифестација „Отворен ден, запознајте го УКИМ“ се одржa во саботата, 5.5.2018 година, на Кампусот на техничките факултети (МФС, ФЕИТ, ФИНКИ, ТМФ) каде беа сместени штандовите на факултетите.

Манифестација беше  наменета за средношколците од сите училишта во Република Македонија, но и за оние кои сакаат да дознаат нешто повеќе за програмите на сите циклуси на УКИМ.

Посетителите имаа можност непосредно во разговор со наставниот кадар и студентите да се запознаат со дејноста на најстарата високообразовна институција во државата, нејзината долга традиција, мисија и визија.

Се свој штанд се претстави и Факултетот за музичка уметност – Скопје, а нашите студенти, се погрижија за реализација на забавниот дел од овој настан.

<< Затвори

Редослед за главната аудиција за солисти со оркестарот на Македонската филхармонија

04/05/2018

Редослед за главната аудиција

за солисти со оркестарот на Македонската филхармонија

 

10:00 ч.

 

  1. Ангел Спировски (оркестарско диригирање)
  • Џ. Росини: Увертита „Севилски берберин“

 

10:10 ч.

 

  1. Ивана Јанаќиева (пијано)
  • М.Равел: Концерт за пијано и оркестар G-dur, I став

 

  1. Зоран Станишиќ (пијано)
  • С.Рахмањинов: Концерт за пијано и оркестар бр.1 оп.1,  I став

 

  1. Тоше Темелков (пијано)
  • С.Рахмањинов: Концерт за пијано и оркестар бр.2 оп.18, I став

 

  1. Артемида Ќари (пијано)
  • Д.Шостакович: Концерт за пијано и оркестар бр.2 оп.102 F-dur, I став

 

10:50 ч.

 

  1. Никола Мицевски (кларинет)
  • К. Росе-На тема од К. М. Вебер: Фантазија и рондо

 

  1. Ѓорѓи Димитров и Бојан Лушкоски (дуо кларинети)
  • Ф. Крамер: Концерт за два кларинета

 

  1. Стефан Неделковски (саксофон)
  • Д. Мијо: Скарамуш

 

  1. Филип Каревски (фагот)
  • Ф. Данци: Концерт за фагот Еф-дур

 

  1. Благоја Василевски (хорна)
  • Р. Штраус: Концерт Бр. 1, I став  

 

  1. Антонио Весковски (удирачки инструменти)
  • Н. Рoсауро: Концерт за маримба, I став

 

 

 

11:45 ч.

 

  1. Александра Чуруковска (контрабас)
  • С. Кусевицки: Концерт за контрабас и оркестар, I став  

 

  1. Илза Бафтиари (виола)
  • Ц. Форсајт: Концерт за виола и оркестар, I став

 

  1. Eни Вучидолова (виолина)
  • А. Дворжак: Концерт за виолина и оркестар, I став

 

 

 

Декан

проф. м-р Зоран Пехчевски

<< Затвори

ОТВОРЕН ДЕН НА УКИМ

02/05/2018

Отворен ден на УКИМ на 5.5.2018 година од 10 до 17 часот на Кампусот на техничките факултети (МФС, ФЕИТ, ФИНКИ, ТМФ). ПОВЕЛЕТЕ!!!

<< Затвори

Одржана промоција на каталогот за мелограмите од легатот на истакнатиот македонски фолклорист Васил Хаџиманов

23/04/2018

На 18.4.2018 година, на Факултетот за музичка уметност во Скопје, во присуство на министерот за култура, г-дин Алаѓозовски, пратеници од Собранието на РМ, претставници на МАНУ, други институции и стручната јавност,  беше промовиран каталогот на дигитализираните мелограми од легатот на истакнатиот македонски фолклорист Васил Хаџиманов, кој го изработија студентите на програмата од вториот циклус студии за музички науки при ФМУ-Скопје, Николче Витковски и Цветанчо Николоски, под менторство на проф. д-р Димитрије Бужаровски.

На свеченоста, каталогот им беше предаден на претставниците на Македонската академија на науките и уметностите, каде се наоѓа овој легат. Во овој каталог се попишани 10.166 мелограми, кои се дел од обемниот легат на Васил Хаџиманов што се наоѓа во архивот на МАНУ. Со попишувањето на мелограмите се прави уште еден важен исчекор во содржината на легатот и брзото и лесно пребарување, посебно имајќи ја предвид неговата обемност.

Овој настан, исто како и попишувањето на комплетната содржина на легатот е од посебно значење за заштитата на македонското духовно културно наследство, е дел од посветената работа на  „Архивот Бужаровски“ (BuzAr), каде што каталогот ќе биде примарно депониран.

Поводот за попишувањето на мелограмите произлезе од работата врз колекцијата на носачи на звук (ленти и касети) од истакнатиот македонски фолклорист Кирил Пенушлиски, која е дигитализирана во „Архивот Бужаровски“ од вонр. проф. д-р Трена Јорданоска во 2008 година. При тоа, во метаподатоците кои ги придружуваа лентите било назначено дека дел од нив се мелографирани од Васил Хаџиманов. По завршувањето на оваа каталогизација беа скенирани 787 мелограми од кои 610 мелограми се поврзани со Колекцијата Пенушлиски.

На овој настан беше одбележана 25-годишнината од првите две дигитални снимки на хард-диск од творештвото на Димитрије Бужаровски, кои се првите дигитални снимки на хард-диск не само во Македонија, туку и на Балканот.

„БузАр“ е најголемиот дигитален архив на звучно културно наследство во Република Македонија и пошироко на Балканот. Во него се наоѓаат дигитализирани и во најголема мерка каталогизирани 2 терабајти со аудио, видео, фотографии, книги, есеи и публицистички текстови, МИДИ, партитури, мелограми, бази на податоци – поврзани со македонското и балканското културно наследство.

Меѓу нив посебно се издвојуваат 14 обемни колекции со музички и говорен фолклорен материјал (Фирфов, Видоески, Пенушлиски, Брзанов, Линин, Бадев, над 1500 детски песни и игри снимени во видео формат од Македонија, Косово и Јужна Србија), но и сопствената продукција на 20 документарни филмови и целокупни концерти (Ѓорѓи Доневски, Бапчорки, Костурчанки, Калистрат Зографски, портрети на Александра Џамбазов, Љубомир Бранџолица, Јордан Цаневски, Зоран Димитровски, Иван Кочаров, Евушка Трпкова-Елезовиќ, Снежана Анастасова Чадиковска, Јени Јол, Ендејдик итн.), 6 музички спотови, над 190 кратки видеа од хрониките на ИРАМ и „БузАр“ и над 110 аудио снимки од концерти.

 

<< Затвори

Одбрана на теорискиот дел од докторска дисертација на кандидатката - м-р ЕЛЕНА АТАНАСОВСКА - ИВАНОВСКА

05/04/2018

С О О П Ш Т Е Н И Е

 

На 16.4.2018 (понеделник), со почеток во 14:00 часот, во Малата сала на Факултетот за музичка уметност - Скопје ќе се одржи одбрана на теорискиот дел од докторска дисертација на кандидатката м-р Елена Атанасовска-Ивановска.

 

Одбраната на теорискиот труд ќе се изврши пред комисија во состав:                 

Проф. м-р Борис Романов

Проф. д-р Ганка Цветанова

Проф. д-р Викторија Коларовска Гмирја

Проф. д-р Марија Ѓошевска

Проф. д-р Ана Гацева

<< Затвори

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори