Универзитет 'Св.Кирил и Методиј' во Скопје Факултет за музичка уметност - Скопје

Одбележан денот на основањето на Факултетот за музичка уметност - Скопје

Објавено на: 11 декември 2017

На 6.12.2017 година, во преполната сала на Македонската филхармонија, се одржа свечениот концерт на Факултетот за музичка уметност - Скопје по повод денот на неговото основање. Достоинствено, со изведба која прилега на веќе зрели музичари кои сигурно го чекорат својот пат, студентите под диригентската палка на маестро Сашо Татарчевски ни приредија несекојдневно музичко доживување. Имавме исклучителна можност да ги чуеме симфонискиот оркестар и хорот „Драган Шуплевски“ изведувајќи дела од Ф. Шуберт, Џ. Верди и А. Бородин, на кои младите симфоничари и хористи на чело со својот диригент им дадоа посебен призвук.

Истата вечер, пред почетокот на концертот, во концертната сала на факултетот, се одржа и промоцијата на дипломирани и магистрирани студенти, кои свечено ги добија своите дипломи за завршен прв и втор циклус на студии, од Деканот проф. м-р Зоран Пехчевски и Продеканот за настава проф. м-р Васо Ристов.

 Со овие два значајни настани, Факултетот за музичка уметност го прослави својот 51 роденден, честитки за сите студенти и професори, кои биле и се дел од оваа најстара високо-образовна, музичка институција во Македонија!


Огласна табла

Call for Papers: 2nd Symposium of the ICTM Study Group on Musics of the Slavic World на ФМУ - Скопје

17/01/2018

Во периодот од 21-25 септември 2018 година,  на Факултетот за музичка уметнос- Скопје,  ќе се одржи симпозиум на Студиската група-музиката во славјанскиот свет, на ICTM. Сите информации за пријавување може да се најдат на  офицјалната страна на ICTM на следниов линк:

https://www.ictmusic.org/group/ictm-study-group-musics-slavic-world/post/call-papers-2nd-symposium-ictm-study-group-musics

<< Затвори

Концерт на Биг бендот и студентите од програмите за популарни жанрови

24/12/2017

Во вторник, 26.12.2017 година, во Event Center Square 21 (поранешен Кино Вардар) во Скопје, со почеток во 19:00 часот, Биг бендот и студентите од програмите за популарни жанрови на ФМУ-Скопје ќе одржат концерт на кој што ќе бидат изведени композиции од доајенот на македонската популарна музика Драган Ѓаконовски-Шпато. Диригент е маестро Кире Костов, а како гости-солисти ќе настапат и Андријана Јаневска, Нико Ѓоргиевски и Кирил Кузманов. Повелете, влезот е слободен!

<< Затвори

Испит од втор циклус студии - Малборе Крајку

12/12/2017

С О О П Ш Т Е Н И Е

На 19.12.201(вторник), со почеток во 12:00 часот, ќе се одржи одбрана на испит од втор циклус студии од студиската програма по МУЗИЧКА ИНТЕРПРЕТАЦИЈА И КОМПОЗИЦИЈА на студентката МАЛБОРЕ КРАЈКУ.

 

Комисија: 

Проф. м-р Стојан Димов

Проф. м-р Васо Ристов

Проф. м-р Страшо Темков

<< Затвори