Стојан Стојков (1941) е истакнат македонски композитор и педагог. Неговиот творечки опус опфаќа дела од симфониското, вокално – инструменталното, сценското, вокалното, камерното, детското и други видови музичко творештво. Како член на повеќе меѓународни организации и форуми од областа на музиката, проф. Стојков дава и огромен придонес за развојот и афирмацијата на македонската музичка култура.  Добитник е на повеќе домашни и меѓународни награди и признанија, меѓу кои и најголемата државна награда „11 Октомври“. Како редовен професор на ФМУ – Скопје, своето стручно знаење проф. Стојан Стојков го пренесол на десетици студенти по музичка уметност.